Azərbaycan Tibb Universiteti (ATU) Elmi Araşdırmalar Mərkəzinin Elektron Mikroskopiya şöbəsinin müdiri, dosent Fuad Rzayev Almaniya Federativ Respublikasında səfərdə olub. 

ATU-dan Aztibb.az-a verilən məlumata görə, səfər “Carl Zeiss Microscopy GmbH” (Oberkohen ş.) şirkətində Mikroskopiya laboratoriyalarının inkişaf fəaliyyətlərini dəstəkləyə biləcək qabaqcıl analitik və görüntüləmə texnologiyaları ilə bağlı peşəkar görüşlər və texniki dəstəyin verilməsi üzrə müzakirələrin aparılmasında iştirak etmək məqsədi daşıyıb.

Həmin dövrdə “Carl Zeiss Customer Center Europe”-da müxtəlif mikroskopiya sistemləri üzrə geniş texniki təqdimatlar və praktiki nümayişlər keçirilib. Bu təqdimatlar elektron mikroskopiya (SEM, TEM), konfokal mikroskopiya, canlı hüceyrə görüntülənməsi, süni intellekt əsaslı görüntü analizi və rəqəmsal tədris platformalarını əhatə edib.

Səfər zamanı Gemini 360, Gemini 460 və Gemini 560 STEM sistemləri, həmçinin Volutome və digər 3D görüntüləmə həlləri müzakirə olunub. Konfokal mikroskoplardan isə LSM 990 modeli haqqında ətraflı məlumatlar əldə edilib və tədbiq imkanları dəqiqləşdirilib.