HTC Cliniva Hospitalın ümumi cərrahı, proktoloq və endoskopisti Anar Əliyev Aztibb.az-a kron xəstəliyi ilə bağlı məlumat verib.

Həkim bildirib ki, qarın ağrısı, uzunmüddətli ishal, halsızlıq və səbəbsiz çəki itkisi bəzən sadə həzm problemi olmaya bilər.

Onun sözlərinə görə, kron xəstəliyi həzm sistemində xroniki iltihabla müşahidə olunan bağırsaq xəstəliyidir. Xəstəlik bəzən sakit dövr keçirə, bəzən isə şikayətləri gücləndirə bilər.

Ən çox rast gəlinən əlamətlər:
• Qarın ağrısı
• Uzunmüddətli ishal
• Köp və narahatlıq
• Halsızlıq
• Çəki itkisi
• Nəcisdə qan

Anar Əliyev qeyd edib ki, erkən diaqnoz və düzgün müalicə xəstəliyin nəzarətdə saxlanılmasına kömək edir.