Azərbaycan Tibb Universitetinin Fizioterapiya və tibbi reabilitasiya kafedrasının professoru Nadir Hüseynov Qazaxıstanın Almatı şəhərində Asiya-Sakit Okean Hövzəsi Ölkələri Revmatologiya Assosiyasiyaları Liqasının sammiti çərçivəsində keçirilən Qazaxıstan Revmatoloqlarının IX beynəlxalq konqresində (APLAR-QCR 2026 Summit) iştirak edib.
Aztibb.az xəbər verir ki, sammit çərçivəsində keçirilən “Avrasiya Revmatoloqları Liqası” sessiyasında Liqanın vitse-prezidenti, professor N.Hüseynov “Azərbaycanda revmatoloji xidmətin inkişafı və revmatik xəstəliklərdə Naftalan terapiyasının effektivliyi” adlı məruzə ilə çıxış edib.
Qeyd edək ki, APLAR və Qazaxıstan Revmatoloqlar Kollegiyasının birgə təşkilatçılığı ilə keçirilən tədbirdə Asiya-Sakit Okean hövzəsi ölkələri və Rusiya nümayəndələri revmatologiyanın aktual mövzularını müzakirə ediblər.
