Milli Müdafiə Universitetinin tədbirlər planına əsasən Hərbi Tibb fakültəsinin rəisi, tibb xidməti polkovniki Məharət Rzayev Özbəkistan Respublikasının Hərbi Təhlükəsizlik və Müdafiə Universitetinin Hərbi Tibb İnstitutunda təşkil olunmuş “Hərbi təbabətin aktual problemləri” adlı beynəlxalq konfransda iştirak edib.

ATU-dan Aztibb.az-a bildirilib ki, konfrans çərçivəsində hərbi təbabətin müasir problemlərinə dair geniş müzakirələr aparılıb, müxtəlif ölkələrdən olan iştirakçılar arasında faydalı fikir mübadiləsi həyata keçirilib. Tibb xidməti polkovniki Məharət Rzayev və tibb xidməti polkovnik-leytenantı Səxavət Hüseynov keçirilən diskusiyalarda aktiv iştirak edərək öz fikir və təkliflərini bölüşüblər.

Səfərin sonunda Özbəkistan Hərbi Tibb İnstitutunun rəhbərliyinə Azərbaycan Respublikası Tibb Universitetinin Hərbi Tibb fakültəsinin loqosu həkk olunmuş plaket təqdim edilib.