Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunun təşkilatçılığı ilə Gəncə şəhərində “Reproduktiv sağlamlıq” mövzusunda elmi-praktik seminar baş tutub.

İnstitutdan Aztibb.az-a verilən məlumata görə, seminar çərçivəsində reproduktiv sağlamlıq sahəsində aktual yanaşmalar, müasir diaqnostika və müalicə üsulları, həmçinin praktik təcrübələr müzakirə olunub.

Tədbirdə institutun əməkdaşları Reproduktiv Sağlamlıq Texnologiyaları şöbəsinin müdiri Xəyalə Təhməzi və Konservativ cərrahiyyə şöbəsinin müdiri Nəcibə Məhərrəmova çıxış edərək reproduktiv sağlamlığın qorunması, ana və uşaq sağlamlığının gücləndirilməsi, erkən diaqnostikanın əhəmiyyəti və müasir tibbi yanaşmalar barədə təqdimatlarla iştirak ediblər.

Seminar iştirakçılarının sualları cavablandırılıb, mövzu ətrafında geniş fikir mübadiləsi aparılıb.