Azərbaycan Respublikası Səhiyyə Nazirliyinin Elmi-Tədqiqat Ağciyər Xəstəlikləri İnstitutu tərəfindən Qəbələ Rayon Mərkəzi Xəstəxanasında “Vərəmin aşkarlanması, diaqnostikası, müalicəsi və profilaktikasında ilkin səhiyyə xidmətinin rolu" mövzusunda regional praktik təlim baş tutub.

İnstitutdan Aztibb.az-a bildirilib ki, tədbirdə Səhiyyə Nazirliyi Milli Vərəm proqramı üzrə koordinatoru, nazirliyin Elmi-Tədqiqat Ağciyər Xəstəlikləri İnstitutun Poliklinika şöbəsinin ftizatrı Aysel Aslanova, Qəbələ Rayon Mərkəzi Xəstəxanasının direktoru Əhmədov Ceyhun və Xəstəxananın baş həkimi Cəfərov Fikrət, İnstitutun həkim-mütəxəssisləri və eyni zamanda region rayonların ilkin səhiyyə xidmətinin həkimləri iştirak ediblər.

Tədbirin məqsədi vərəmin aşkarlanması, nəzarətli müalicə və profilaktikasında ilkin səhiyyə xidmətinin rolunun təkmilləşdirilməsi olub.

İnteraktiv formada davam edən tədbir çərçivəsində müxtəlif mövzular üzrə müzakirələr aparılıb və suallar cavablandırılıb.