Aztibb.az xəbər verir ki, yeməyin tərkibində uşağa lazım olan mineral və vitaminlərin olması vacibdir. Elə qida rasionu seçilməlidir ki, dölün inkişafına müsbət təsir etsin və eləcə də hamilə qadının piy çəkisinin artmasına təsir etməsin!

 

Hamiləliyin ilkin dövründə tərkibində fol turşusu, kalsium, dəmir, vitamin B, C, E komponentləri ilə zəngin olan qida məhsulları qəbul edilməlidir. Fol turşusu defisiti uşaqlarda psixi inkişaf pozğunluğuna, hamilələrdə qan azlığına və erkən doğuma səbəb ola bilər. Birinci trimestrdə ət, balıq, tərəvəz və süd məhsulları ilə qidalanmaq lazımdır.

 

Düzgün qidalanmama hamilələrdə toksikoza səbəb ola bilir. Hamiləliyin 6-cı həftəsində döldə skelet formalaşdığı üçün süd və süd məhsullarından istifadə edilməlidir. Qidada kalsium və fosforun miqdarı çox olmalıdır. Bu elementlər süd məhsullarının tərkibində çoxluq təşkil edir. 9-10-cu həftələrdə sink, vitamin E tərkibli qidalardan istifadə edilməlidir.

 

Çörək ehtiyaclarını yulaf, arpa, qəhvəyi düyü, bulqurla ödəmək daha məsləhətdir. Süd məhsulları seçərkən təzə pasterizə olunmuş süd məhsullarından uzaq olmaq məsləhətdir( bunlarda toksoplazma, bruselyoz, listerioza yoluxma riski var). Hamilə hər gün 1000 mq kalsium almalıdır. Süd, qatıq, pendir yaşıl tərəvəzlər kalsium mənbəyidir. Həmçinin onlar hər gün 27 mq dəmir qəbul etməlidir.