Azərbaycan Tibb Universitetinin (ATU) əməkdaşları Özbəkistanın paytaxtı Daşkənddə keçirilən “Silk Road - 2026” adlı plastik, rekonstruktiv və estetik cərrahların III beynəlxalq Avrasiya konfransında iştirak ediblər.

 

Bu barədə Aztibb.az-a ATU-dan məlumat verilib.

 

Qeyd olunub ki, tədbir çərçivəsində plastik cərrahiyyə, kosmetologiya və üz-çənə cərrahiyyəsi sahəsində qabaqcıl metodların, innovasiyaların və klinik təcrübələrin mübadiləsi aparılıb.

 

Konfransda ATU nümayəndələri - Azərbaycan Plastik Cərrahlar Cəmiyyətinin sədri, Türk Dünyası Araşdırmaları Beynəlxalq Elmlər Akademiyasının həqiqi üzvü, professor Vaqif Qələndər, Ağız və üz-çənə cərrahiyyəsi kafedrasının dosenti Nigar Sultanova, həkim-mütəxəssislər Dilqəm Məmmədov və Günel Əhmədova məruzələrlə çıxış ediblər.