Aztibb.az xəbər verir ki, buynuz qişanın tərkibində olan kollagen liflərdə, bağlarda ərimə getdiyindən buynuz qişa nazikləşir və önə doğru konusvari deformasiyaya uğrayır.

 

Genetik faktor, gözün xroniki allergik xəstəliyi və gözün tez-tez ovuşdurulması (daha çox uşaqlarda) risk faktorları arasında göstərilir.

 

Keratokonus xəstəliyi zamanı ən çox müşahidə olunan simptom kölgəli görmədir. Kölgəli görmə öncə xırda həriflərə tək gözlə baxdıqda əmələ gəlir və sonra bu çox görmələrin artması baş verir. Bundan başqa gözdə tez-tez qıcıqlanmalar, qaşınmalar, qızartılar olur. Xəstəliyin diaqnostikasında ən informativ müayinə üsulu buynuz qişanın xəritəvari araşdırılmasıdır.

 

Keratokonus xəstəliyi 17-45 yaşlarda ortaya çıxır və adətən, proqressivləşən xəstəlik hesab edilir.

 

Əgər keratokonus irəliləyərsə, buynuz qişada olan kollagen bağlarının sərtləşdirmə, kroslinkinq deyilən prosedur həyata keçirilir. Bu üsul buynuz qişanın nazikləşməsinin qarşısını alaraq, xəstənin görməsini olduğu səviyyədə saxlayır