Xəstəxanadan aztibb.az-a bildirilib ki, təlimdə Tərtər RMX-nın Baş həkimi Bəkir Nağıyev və həkim-kardioloq Səməd Əliyev çıxış ediblər.

 

Təlimin məqsədi tibb işçilərinin şok vəziyyətləri zamanı düzgün və operativ müdaxilə bacarıqlarının artırılması, bu kimi həyati təhlükəli hallarda ilkin yardım və reanimasiya tədbirlərinin düzgün icrası barədə biliklərinin təkmilləşdirilməsi olub.

 

Müxtəlif növ şok halları (hipovolemik, kardiogen, septik və s.), onların yaranma səbəbləri, klinik əlamətləri və diaqnostik yanaşmalar haqqında geniş məlumat verilib.

 

İştirakçılara şok vəziyyətində olan pasiyentə ilkin yanaşma prinsipləri, həyati vacib funksiyaların qiymətləndirilməsi, vaxtında və düzgün reanimasiya tədbirlərinin aparılması qaydaları izah olunub.

 

Mövzu ətrafında qarşılıqlı müzakirələr aparılıb, iştirakçıların sualları cavablandırılıb və praktik fəaliyyət zamanı qarşılaşa biləcək situasiyalar barədə fikir mübadiləsi aparılıb.