Hantavirus aşkarlanan "MV Hondius" kruiz gəmisinin mayın 18-də Rotterdam limanına çatması planlaşdırılır.

Aztibb.az www.france24.com-a istinadla xəbər verir ki, Niderland hakimiyyəti gəmini dezinfeksiya etmək üçün tədbirlər, eləcə də göyərtədə qalan 25 heyət üzvü və iki tibb işçisi üçün karantin şərtləri hazırlayır.

Bəzi xarici heyət üzvləri üçün artıq xüsusi karantin müəssisələri də hazırlanıb. Lakin, onların tövsiyə olunan 42 günlük təcrid müddətini orada keçirib-keçirməyəcəkləri hələlik məlum deyil.

Qeyd edək ki, gəmidə ağır tənəffüs yollarının xəstəliklərinin yayılması barədə ilk dəfə Ümumdünya Səhiyyə Təşkilatına 2 mayda məlumat verilib. Gəmidə doqquz yoluxma halı qeydə alınıb, onlardan altısı laboratoriyada hantavirus infeksiyası kimi təsdiqlənib, hamısı Andes virusu (ANDV) kimi müəyyən edilib, baxmayaraq ki, mayın 2-dən bəri yeni ölüm halları olmayıb.