Bədən qoxusu yalnız gigiyena ilə bağlı deyil -qidalanma da bu prosesə təsir göstərə bilər. Araşdırmalara görə, bəzi qidalar tərkibindəki kükürd və digər birləşmələr səbəbindən tər və nəfəs qoxusunu dəyişdirə bilir.

 

F.Burzu qeyd edib ki, xüsusilə sarımsaq, soğan, qırmızı ət, brokoli, gül kələmi və müxtəlif ədviyyatlar bədəndə daha kəskin qoxuya səbəb ola bilər. Alkoqol və bəzi hallarda balıq məhsulları da bədən qoxusuna təsir edən amillər arasında göstərilir:

 

"Bədən qoxusunu azaltmaq üçün düzgün gigiyena, bol su qəbulu və balanslı qidalanma vacib hesab olunur. Nəfəs alan pambıq parçalar seçmək və güclü qoxu yaradan qidaları normada istifadə etmək də faydalı ola bilər.

Unutmayaq ki, bədənimiz verdiyimiz qidaların da bir aynasıdır. Sağlam seçimlər isə ümumi həyat keyfiyyətinə müsbət təsir göstərir".