Ümui Xidmətlər İdarəsi (GSA) tərəfindən qələbəsi tanınmayana qədər ABŞ Səhiyyə Nazirliyi prezident seçkilərində özünü qalib elan edən Co Baydenin komandası ilə işləməyəcəyini bildirib.

Aztibb.az xəbər verir ki, bu barədə “CNN” telekanalı qurumun rəhbəri Aleks Azara istinadən məlumat yayıb.

“Biz çox açıq şəkildə bildirdik ki, GSA nə zaman kimin qalib gəldiyini müəyyən edərsə, o zaman da tam birgə şəkildə peşəkar keçid və hazırlıq işlərini təmin edəcəyik. Biz təlimat qaydalarına riayət edirik”, - deyə Azar vurğulayıb.

Bundan bir qədər əvvəl “Politico” qəzeti ABŞ Ümumi Xidmətlər İdarəsinin rəhbəri Emili Mörfinin də Baydenin prezident seçkilərində qələbə qazandığını tanımaqdan imtina etməsi barədə yazmışdı.