İndoneziya Universitetinin alimləri yeniyetmələrdə tənhalıq hissinə hansı amillərin təsir etdiyini araşdırıblar.

Aztibb.az “Gazeta.SPb” nəşrinin yaydığı məlumata istinadən yazır ki, bu hissin yaranmasına bir neçə səbəb təsir göstərir.

Tədqiqat çərçivəsində orta yaşı 14 olan 700-dən çox yeniyetmə haqqında məlumat təhlil edilib. Onların əksəriyyəti yuxarı sinif şagirdləri olub və iştirakçıların yarısının ailə gəliri ölkə üzrə orta göstəricidən aşağı səviyyədə olub.

Araşdırma nəticəsində məlum olub ki, öyrənilən bütün amillər emosional problemlərlə əlaqəlidir. Əsas səbəb kimi yeniyetmələrin ətrafdakı insanlarla münasibət qurmaqda çətinlik çəkməsi göstərilib. Məhz bu amil daha çox tənhalıq hissinə səbəb olub.

İkinci yerdə məktəbdə təhlükəsizlik hissinin zəif olması qərarlaşıb. Üçüncü əsas amil isə internet asılılığı olub.

Tədqiqatçılar qeyd ediblər ki, bu faktorlar uşaqların emosional vəziyyətinə ciddi təsir göstərir. Narahatlıq, əhval dəyişkənliyi və əsəbilik yaşayan yeniyetmələr zaman keçdikcə özlərini daha tənha hiss edirlər.