Alimlərin apardıqları genişmiqyaslı araşdırmalar nəticəsində kişilərin sidik-cinsiyyət sistemində uzun müddət qala və spermaya nüfuz edə bilən 22 virus müəyyən edilib.

Aztibb.az "The Lancet" jurnalında dərc olunan məlumata istinadən bildirir ki, həmin virusların 9-u cinsi yolla ötürülür.

Tədqiqatçılar qeyd ediblər ki, Ebola və Zika virusu kişilərin reproduktiv sistemində uzun müddət qala bilir. Bu zaman immun sisteminin viruslara qarşı mübarizədə bəzən tamamilə aciz qaldığı vurğulanır.

Xüsusilə təhlükəli hesab edilən viruslar siyahısına, həmçinin Marburq virusu, Qərbi Nil qızdırması və Mrox virusu da daxil edilib. Mütəxəssislərin sözlərinə görə, bu törədicilər insan orqanizmində bir neçə il yaşaya bilər.

Əldə olunan nəticələr fonunda ekspertlər pasiyentlərin daha diqqətlə müayinə olunmasının və xəstəliklərin aşkarlanması üçün yeni diaqnostik üsulların hazırlanmasının vacibliyini vurğulayıblar