Mərkəzi Gömrük Hospitalının Radiologiya şöbəsinin sonoloqu Günay Əhmədova Çin Xalq Respublikasının Hançjou şəhərində keçirilən 15-ci “Westlake International Conference in Ultrasound Medicine and Biology” beynəlxalq elmi konqresində iştirak edib.

 

Bu barədə Aztibb.az-a Mərkəzi Gömrük Hospitalından məlumat verilib.

 

Bildirilib ki, dünyanın müxtəlif ölkələrindən tanınmış alim və mütəxəssislərin qatıldığı konqresdə müzakirə olunan əsas mövzulardan biri radiologiyada ultrasəs müayinəsinin müasir tibbdə artan rolu, diaqnostik imkanların genişlənməsi və yeni texnoloji həllərin tətbiqi olub. Təqdim edilən elmi çıxışlar və praktiki sessiyalar iştirakçılar üçün yüksək elmi maraq doğurub.