Ürək qapaq qüsurları əsasən iki formada olur: qapağın daralması və ya tam bağlanmaması. Daralma zamanı qan axını çətinləşir, tam bağlanmama zamanı isə qan geriyə qayıdır. Bu hallar nəfəs darlığı, tez yorulma, ürəkdöyünmə, sinə ağrısı və ayaqlarda şişkinlik kimi əlamətlərlə özünü göstərə bilər.

 

Bu barədə Aztibb.az-a Xətai Tibb Mərkəzinin həkim-kardioloqu Nigar Şərbətova bildirib. Onun sözlərinə görə, qüsurlar anadangəlmə və ya sonradan revmatizm, infeksiya, yüksək təzyiq və yaşla bağlı dəyişikliklər nəticəsində yarana bilər.

Nigar Şərbətova vurğulayıb ki, vaxtında müayinə və müalicə ürəyin normal fəaliyyətini qorumaq baxımından vacibdir.