Mərkəzi Gömrük Hospitalının Uşaq Cərrahiyyəsi şöbəsinin rəisi, uzman uşaq cərrahı Vüsal Cəfərov AZTV-nin “TeleSəhər” proqramında yayımlanan “Telehəkim” verilişinin qonağı olub.

Aztibb.az xəbər verir ki, mütəxəssis “Ev şəraitində hansı təhlükələr daha çox risk yaradır?” mövzusunda ətraflı məlumat verərək, uşaqların gündəlik məişətdə qarşılaşa biləcəyi təhlükələrdən, valideynlərin diqqət etməli olduğu məqamlardan və ilkin müdaxilə qaydalarından danışıb.

Vüsal Cəfərov xüsusilə azyaşlı uşaqlar arasında tez-tez rast gəlinən məişət travmaları, isti mayelərdən yaranan yanıqlar, iti və kəsici alətlərlə bağlı xəsarətlər, elektrik cərəyanı təhlükəsi, eləcə də xırda əşyaların udulması kimi halların ciddi fəsadlara səbəb ola biləcəyini vurğulayıb.

Mütəxəssis həmçinin fövqəladə hallarda düzgün və vaxtında tibbi yardımın göstərilməsinin vacibliyini qeyd edərək, bəzi hallarda ev şəraitində yanlış müdaxilələrin uşağın vəziyyətini daha da ağırlaşdıra biləcəyini diqqətə çatdırıb.

Süjeti təqdim edirik.