TƏBİB-in dəstəyi, Azərbaycan Minimal İnvaziv Cərrahlar Cəmiyyətinin və Asiya Endoskopik və Laparoskopik Cərrahlar Cəmiyyətinin təşkilatçılığı ilə Bakı və Xankəndi şəhərlərində Azərbaycan Minimal İnvaziv Cərrahlar Cəmiyyətinin II Milli Konqresi, XIII Avrasiya Tibb Konqresi, Asiya Endoskopik və Laparoskopik Cərrahlar Cəmiyyətinin (ELSA) II Bakı Konfransı, Beynəlxalq Bariatrik Klubun (IBC) Bakı Sammiti, həmçinin Cərrahiyyə üzrə Tibb Bacılarının III Konqresi və XIV Bakı Beynəlxalq Tibbi Treninq Günləri keçirilib.

Aztibb.az xəbər verir ki, tədbirlərdə TƏBİB-in İcraçı direktorunun müşaviri Bahadur Rzayev, Azərbaycan Minimal İnvaziv Cərrahlar Cəmiyyətinin prezidenti Qurbanxan Müslümov, “Fuat Sezgin İslam Elm Tarixi Araşdırmaları Vəqfi”nin İdarə Heyətinin üzvü Necmeddin Bilal Erdoğan, Qarabağ Universitetinin rektoru Şahin Bayramov, Qarabağ Universitetinin Klinikasının Baş direktoru Samir Babayev iştirak ediblər.

Həmçinin tədbirə Türkiyə, Almaniya, Özbəkistan, Yaponiya, Malayziya, İndoneziya, Sinqapur, Koreya, Hindistan, Pakistan kimi 15-dən çox ölkədən dəvət olunan 80-ə yaxın beynəlxalq ekspert və 70 nəfər yerli mütəxəssis qatılıb.