STM-dən Aztibb.az-a bildirilib ki, öncə Ümummilli Lider Heydər Əliyevin əziz xatirəsi bir dəqiqəlik sükutla yad edilib, ardınca Dövlət Himni səsləndirilib.

 

Tədbiri giriş sözü ilə açan STM-nin direktoru Elnur Azadxanov Ulu Öndərin Azərbaycan dövləti və xalqı qarşısındakı misilsiz xidmətlərindən bəhs edib. O, bildirib ki, Heydər Əliyevin rəhbərliyi ilə ölkəmizdə bütün sahələrdə olduğu kimi, səhiyyə sistemində də əsaslı islahatlar aparılıb, bu sahənin maddi-texniki bazası möhkəmləndirilib və əhalinin sağlamlığının qorunması dövlət siyasətinin əsas istiqamətlərindən birinə çevrilib.

 

Direktor qeyd edib ki, bu gün Prezident İlham Əliyev və Birinci vitse-prezident Mehriban Əliyeva tərəfindən Ulu Öndərin siyasi irsi böyük uğurla davam etdirilir, səhiyyə sahəsinin inkişafı dövlətin əsas prioritetlərindən biri olaraq qalır.

 

Tədbir çərçivəsində Heydər Əliyevin həyat və fəaliyyətini əks etdirən, onun dövlətçilik irsini və səhiyyəyə verdiyi dəyəri əhatə edən videoçarx nümayiş olunub.