Azərbaycan Tibb Universitetinin (ATU) Hərbi Tibb Fakültəsinin bir qrup kursant heyəti 44 günlük Vətən müharibəsinə həsr olunmuş Qənimətlər Parkını ziyarət ediblər.

 

ATU-dan Aztibb.az-a verilən məlumata görə, kursantlar burada nümayiş etdirilən hərbi texnika, silah-sursat, sənədlər, müxtəlif artefaktlar və digər eksponatlarla tanış olublar.

 

Ziyarət kursantlara tarixi faktları canlı şəkildə görmək imkanı ilə yanaşı, müharibənin reallıqlarını daha dərindən dərk etmələrinə də şərait yaradıb.

 

Xatırladaq ki, Hərbi Qənimətlər Parkının layihəsi Azərbaycan Respublikasının Prezidenti İlham Əliyevin təşəbbüsü ilə hazırlanıb. 2020-ci il Vətən müharibəsində Azərbaycan Ordusunun əldə etdiyi qələbənin simvolik məkanı kimi layihələndirilən park 44 günlük savaşda əldə edilmiş böyük zəfəri gələcək nəsillərə vizual şəkildə çatdırmaq məqsədi daşıyır.