TƏBİB-in tabeli tibb müəssisələrində 5 May – Ümumdünya Əl Gigiyenası Günü ilə əlaqədar maarifləndirici təlimlər keçirilib

 

Aztibb.az-a TƏBİB-dən bildirilib ki, təlimlərdə tibb və qeyri-tibb işçiləri iştirak ediblər.

 

Tədbirlər çərçivəsində iştirakçılara yoluxucu xəstəliklərin profilaktikasında əl gigiyenasının rolu, tibb müəssisələrində gigiyenik davranış qaydaları, həmçinin bu istiqamətdə davamlı maarifləndirmənin əhəmiyyəti barədə ətraflı məlumat verilib.

 

Praktik hissədə isə infeksiyaların profilaktikası və infeksion nəzarət (İPİN) üzrə mütəxəssislər tərəfindən düzgün əl yuma texnikaları əyani şəkildə nümayiş etdirilib.

 

Sonda iştirakçıları maraqlandıran suallar cavablandırılıb, mövzu ilə bağlı praktiki tövsiyələr təqdim olunub.