Respublika Klinik Xəstəxanasının həkim-terapevti Nəsibə Quliyeva Aztibb.az-ın "Həkimlərimizi tanıyaq!" rubrikasının növbəti qonağıdır.
O, 1980-1986-cı illərdə Azərbaycan Tibb Univerrsitetinin II Müalicə profilaktika fakültəsində təhsil alıb. 1986-1987-ci illərdə M. M. Qədirli adına Mərkəzi Hövzə Xəstəxanasında internatura keçib.
1988-1995-ci illərdə 16 saylı Tibbi Sanitar hissədə həkim-terapevt kimi çalışıb. 1995-ci il ildən etibarən Respublika Klinik Xəstəxanasında terapevt olaraq fəaliyyət göstərir.
Nəsibə Quliyeva 2007-ci ildə Azərbaycan Dövlət Həkimlərin Təkmilləşdirmə İnstitutunda “Kliniki Kardiologiya” kursunu bitirib. 2008-ci ildə tibb elmləri üzrə fəlsəfə doktoru elmi dərəcəsini alıb.
2017-ci ildə Azərbaycan Dövlət Həkimlərin Təkmilləşdirmə İnstitutunda “Kəskin böyrək çatışmazlığı”, 2018-ci ildə “Kliniki elektrokardioqrafiya” və “Exokardioqrafiya” kurslarını keçib.
2020-ci ildə Türkiyə Respublikası Başkent Universitetinin Ankara Xəstəxanasında exokardioqrafiya və koronar reanimasiya şöbəsində nəzəri və praktiki təcrübə proqramını tamamlayıb.
O, yerli və xarici jurnallarda olmaqla 17 elmi məqalənin müəllifidir. Bir sıra yerli və beynəlxalq elmi konfransların iştrakçısıdır.
“Azərbaycan Kardioloqlar Cəmiyyəti”nin və “Azərbaycan Hepatoloqlar və Qastroentroloqlar İctimai Birliyi”nin üzvüdür.
