Səhiyyə Nazirliyi Əziz Əliyev adına Azərbaycan Dövlət Həkimləri Təkmilləşdirmə İnstitutunda Türkiyə Cümhuriyyətinin tanınmış ginekoloq-onkoloqu, “Türkiyə Ginekologiya və Mamalıq Dərnəyi”nin İdarə Heyətinin üzvü, professor Ateş Karateke və tanınmış ginekoloq, Ankara Medipol Universitetinin professoru eyni zamanda da həmyerlimiz olan Məlahət Atasever ilə institutun rektoru professor Nazim Pənahov arasında görüş keçirilib.

Bu barədə Aztibb.az-a Azərbaycan Dövlət Həkimləri Təkmilləşdirmə İnstitutundan xəbər verilib.

Görüş zamanı professor A.Karateke və M.Atasevər uzun illərə dayanan tibbi təcrübələrindən, xüsusilə qadın sağlamlığı və onkoloji xəstəliklərin diaqnostikası və müalicəsi sahəsində əldə etdikləri nailiyyətlər haqqında məlumat verərək, erkən diaqnostikanın əhəmiyyəti və profilaktik tədbirlərin rolunu xüsusi olaraq vurğulayıblar.
Eyni zamanda, “Qadınlarda uşaqlıq boynu xərçəngi”nin profilaktikası tədbirlərinə dair materialların institutun tədris proqramlarına daxil edilməsi məsələsi ətrafında müzakirələr aparılıbr.

Görüşdə, həmçinin Mamalıq-ginekologiya kafedrasının müdiri, professor Leyla Rzaquliyeva və Beynəlxalq əlaqələr şöbəsinin müdiri Vəfa Abdullayeva da iştirak ediblər.