Ailədə uşağın xəstələnməsi böyük həyacan və narahatçılığa səbəb olur. Lakin bundan qorxmaq və təşvişə düşmək lazım deyil. Uşağın immun sistemi müxtəlif virus və infeksiyalarla "göruşəndə" inkişaf edir, möhkəmlənir, daha mükəmməl olur. Bu təbii fizioloji prosesdir. Həkimin fikrinə görə, hər bir uşağın 1 il ərzində 4-5 dəfə xəstələnməyə "hüququ"var. Bu zaman uşağa sadəcə düzgün baxmaq lazımdır ki, xəstəlik fəsadlar verməsin.

 

Bu barədə Aztibb.az-a Ağcabədi Rayon Mərkəzi Xəstəxanasının həkim-pediatrı Afət Əsgərova bildirib.

 

Həkim qeyd edib ki, bir çox valideynlər soyuqdəymə və qripp zamanı uşağa düzgün baxım qaydalarını bilmir və bu kimi səhvlər edir:

1. Qızdırması olan uşağı isti otaqda saxlmaq, üstünü isti yorğanla örtmək və.s Bu yalnız hərarətin artmasına, uşağın vəziyyətinin daha da ağırlaşmasna gətirib çıxardacaq. Əksinə otaqda temperaturanı aşağı salmaq, uşağı yüngül geyindirmək, üstünü yüngül örtmək lazımdır.

2. Həkimlə məsləhətləşmədən uşağa antibiotiklər vermək, bu çox yayılmış və ciddi səhvdir. Soyuqdəymə və qrip xəstəlikləri virus tərəfindən törədilir ki, antibiotiklər viruslara təsir etmir. Antibiotik yalnız həkim tərəfindən və buna ciddi səbəb olanda uşağa təyin edilir. Səbəbsiz qəbul olunan antibiotik orqanizmə yalnız ziyan vurur.

3. Xəstə uşağı zorla yedizdirmək, kalorili yeməkləri vermək. «Uşaq yaxşı yesin ki, sağalsın» kimi fikirlər yalnışdır. Əksinə xəstəlik zamanı uşağın yeməyi yüngül və duru olmaldır. Uşaq yemək istəmirsə, onu zorla yedizdirməyin, ona bol maye verin. Bu uşağın vəziyyətini yüngülləşdirir, sağalmanı tezləşdirir.