Oğuz Rayon Mərkəzi Xəstəxanasında görkəmli oftalmoloq-alim, akademik Zərifə xanım Əliyevaya həsr olunmuş tədbir keçirilib.

Aztibb.az-a Oğuz RMX-dan bildirilib ki, əvvəlcə Ümummilli Lider Heydər Əliyevin, Zərifə xanım Əliyevanın və Vətən uğrunda canından keçmiş şəhidlərin xatirəsi bir dəqiqəlik sükutla yad olunub.

Daha sonra Zərifə Əliyevanın həyat və fəaliyyətinə həsr olunan videoçarx nümayiş etdirilib.

Oğuz Rayon Mərkəzi Xəstəxanasının direktoru Anar Əzizov Z.Əliyevanın tibb elminə verdiyi töhfələrdən bəhs edib, onun oftalmologiya sahəsindəki fəaliyyətinin, humanist həkimlik prinsiplərinin bu gün də tibb işçiləri üçün örnək olduğunu vurğulayıb.

Daha sonra çıxış edən digər əməkdaşlar da Zərifə xanım Əliyevanın zəngin elmi irsinin əhəmiyyətindən danışaraq onun xatirəsinin daim ehtiramla yad edildiyini bildiriblər.