Aztibb.az-a Xəstəxanadan bildirilib ki, Qəbələ RMX-ya müraciət edən 1969-cu il təvəllüdlü şəxsə (qadın) uşaqlığın çox böyük ölçüdə və çoxsaylı qanayan fibromiom düyünləri (teratoma tipli) diaqnozları təyin olunub və cərrahi əməliyyat tövsiyə olunub.

 

Həkim-cərrah Fariz Abdullayev və həkim-anesteziloq-reanimatoloq Azər Söhbətov tərəfindən tərəfindən icra olunan laparotomiya (uşaqlığın hər iki artımlarla birgə ekstirpasiyası) əməliyyatı uğurla başa çatıb.

 

Cərrahi əməliyyatdan sonra müalicəsi müvafiq şöbədə davam etdirilən pasiyentin vəziyyəti qənaətbəxş hesab edilir.

 

Qeyd edək ki, bugünədək, əsasən, paytaxtdakı ixtisaslaşmış tibb müəssisələrində icrası mümkün olan bir sıra mürəkkəb əməliyyatlar, həmçinin tibbi müayinələr artıq region xəstəxanalarında da həyata keçirilir.