Babək Rayon Mərkəzi Xəstəxanasında hepatitlə bağlı maarifləndirmə tədbiri keçirilib.
Bu barədə Aztibb.az-a Naxçıvan MR Səhiyyə Nazirliyindən xəbər verilib.
Tədbiri giriş sözü ilə açan Babək Rayon Mərkəzi Xəstəxanasının baş həkimi Sultan Mirzəliyev mövzunun aktuallığına toxunaraq hepatit viruslarının sağlamlığa təsiri, erkən diaqnostika və müalicənin əhəmiyyəti barədə iştirakçılara ətraflı məlumat verib.
Daha sonra Naxçıvan Muxtar Respublikası QİÇS-lə Mübarizə Mərkəzinin direktoru Leyla Əsgərova və Naxçıvan Muxtar Respublikası Yoluxucu Xəstəliklər Mərkəzinin həkim-infeksionisti Qilbəli Elyarov çıxış edərək hepatit viruslarının növləri, yoluxma yolları, müasir müalicə üsulları və maarifləndirmənin vacibliyindən bəhs ediblər.
Tədbirin sonunda iştirakçıların sualları cavablandırılıb, onları maraqlandıran mövzular ətrafında müzakirələr aparılıb.
Maarifləndirmə tədbiri iştirakçılar tərəfindən maraqla qarşılanıb və bu cür tədbirlərin davamlı olaraq keçirilməsinin vacibliyi vurğulanıb
