Stres orqanizmin təbii müdafiə reaksiyasıdır və qısa müddətli olduqda bəzən motivasiyaverici də ola bilər. Lakin stresin uzun müddət davam etməsi bir çox sağlamlıq problemlərinə səbəb ola bilər.

 

Bu barədə Aztibb.az-a Kliniki Tibbi Mərkəzin həkim-terapevti Humay Usubova bildirib.

 

Həkim qeyd edib ki, xroniki stres ürək-damar sistemi xəstəlikləri, yüksək təzyiq, şəkərli diabet, yuxusuzluq və psixoloji pozuntular – xüsusilə depressiya və narahatlıq kimi hallarla əlaqələndirilir. Stres, eyni zamanda immun sistemini zəiflədir, insanın xəstəliklərə qarşı müqavimətini azaldır. Həmçinin mədə-bağırsaq problemləri, baş ağrıları və dəri xəstəlikləri də stresin nəticəsində yarana bilər.