Azərbaycan Daxili Xəstəliklər Dərnəyi, TƏBİB Akademiyası, Azərbaycan Nefroloqlar Cəmiyyəti və Yeni Klinikanın birgə təşkilatçılığı ilə “Akademik fəaliyyətə başlanğıcın yolları” adlı elmi-praktik seminar baş tutub.

 

Klinikadan Aztibb.az-a bildirilib ki, seminarın açılış mərasimində Yeni Klinikanın direktoru Barat Yusubov və Azərbaycan Nefroloqlar Cəmiyyətinin sədri Elnur Fərəcov çıxış edərək, tədbirin əhəmiyyətindən və gənc mütəxəssislərin elmi fəaliyyətə təşviq edilməsinin vacibliyindən bəhs ediblər.

 

Tədbir çərçivəsində Yeni Klinikanın Ümumi cərrahiyə və orqan transplantasiyası şöbəsinin ümumi cərrahı Mirxalıq Cavadov, eləcə də TƏBİB Akademiyasının Layihələr və tədqiqatlar bölməsinin müdiri Aygün Qocayeva çıxış edərək, akademik karyeraya başlamağın əsas mərhələləri, elmi araşdırma prosesləri və layihə idarəçiliyi haqqında iştirakçılarla dəyərli bilik və təcrübələrini bölüşüblər.

 

Seminarın sonunda Azərbaycan Daxili Xəstəliklər Dərnəyi və Azərbaycan Nefroloqlar Cəmiyyətinin birgə təşkil etdiyi mükafatlı elmi məqalə müsabiqəsinin qalibləri elan edilib, qaliblərə sertifikatlar və hədiyyələr təqdim olunub.