Ölkəmizə istirahətə gələn 10 yaşında xarici vətəndaş oğlan uşağı gecə gec saatlarda ağır vəziyyətdə təcili yardımla Mərkəzi Klinikaya gətirilib.

Klinikadan Aztibb.az-a verilən xəbərə görə, uşaqda qarında dözülməz ağrı, qusma və yüksək temperatur müşahidə edilib.

Müayinələr sonrası məlum olub ki, uşağı bu vəziyyətə gətirən səbəb Kəskin Fleqmanoz forma appendisitdir.

İnfeksiya dəyərləri çox yüksək olduğu üçün təcili əməliyyat qərarı verilib.

Uşaq Mərkəzi Klinikanın uşaq cərrahı, uroloq Günel Əmiraslanova tərəfindən əməliyyat olunub.

Əməliyyat uğurlu keçib və pasiyent tam sağlam şəkildə yaşadıqları ölkəyə geri dönüb.