Naxçıvan Muxtar Respublikasının səhiyyə naziri Samiq Sadıxov Şərur Rayon Mərkəzi Xəstəxanasında vətəndaş qəbulu keçirib.
Nazirlikdən Aztibb.az-a verilən məlumata görə, qəbul zamanı nazir tərəfindən ümumilikdə 26 nəfər vətəndaşın müraciətlərinə baxılıb.
Vətəndaşların müraciətləri əsasən tibbi xidmətlərin təşkili, müalicə və müayinəyə yönləndirmə, kadr təminatı, işə qəbul və digər şəxsi xarakterli məsələlərlə bağlı olub. Səhiyyə naziri Samiq Sadıxov hər bir vətəndaşı diqqətlə dinləyərək qaldırılan məsələlərin operativ şəkildə araşdırılması və müvafiq tədbirlərin görülməsi üçün aidiyyəti üzrə tapşırıqlar verib.
Bir sıra müraciətlər yerindəcə həll edilib, digərlərinin isə qanunvericiliyə uyğun şəkildə baxılması üçün müvafiq strukturlara yönləndirilməsi qərara alınıb.
