“Bir ömür xidmətinizdə” devizi ilə çalışan TƏBİB-in nəinki paytaxtda, eləcə də regionlarda səhiyyə sisteminin təkmilləşdirilməsi, göstərilən tibbi xidmətin keyfiyyətinin yüksəldilməsi məqsədilə həyata keçirdiyi yeniliklərdən biri də elektron növbə sisteminin bütün tabeli tibb müəssisələri üzrə tətbiq edilməsidir.

 

Qeydiyyatda olduğu ərazidən asılı olmayaraq, vətəndaşlar xəstəxanaya şəxsiyyət vəsiqəsi ilə müraciət edərkən çox zaman qeydiyyat masalarının qarşısında sıxlıq yaranırdı.

 

Salyan Rayon Mərkəzi Xəstəxanasında qeydiyyat masalarının qarşısında yaranan sıxlığın aradan qaldırılması və müraciət edən pasiyentlərin növbə sistemini tənzimləmək məqsədilə elektron növbə monitorları istifadəyə verilib.

 

Aztibb.az-a Salyan RMX-dan bildirilib ki, artıq vətəndaşlar onlayn və ya yerində növbə götürərək rahat şəkildə qəbul üçün qeydiyyatdan keçə bilirlər. Üstəlik vaxt itkisinə yol verilmədən qəbul planlaması düzgün həyata keçirilir, növbə haqqında məlumat terminal ekranda öz əksini tapır.