Xəstəxanadan Aztibb.az-a verilən məlumata görə, təlimdə baş həkim, direktorun inzibati məsələlər üzrə müavini, eləcə də müxtəlif struktur bölmələrdə çalışan tibb bacıları iştirak ediblər.

 

Təlimin keçirilməsində məqsəd tibb bacılarının anafilaktik şok hallarında operativ və düzgün müdaxilə bacarıqlarının artırılması, eləcə də ilkin tibbi yardım üzrə bilik və bacarıqlarının təkmilləşdirilməsi olub.

 

Kifayət Bəxtiyarova təqdimatında anafilaktik reaksiyanın səbəbləri, klinik əlamətləri, diaqnostikası və təcili tibbi yardım tədbirləri barədə ətraflı məlumat verib.

 

Təlim interaktiv şəkildə təşkil olunub, iştirakçıların sualları cavablandırılıb, real situasiyalar üzərində praktiki nümunələr göstərilib.

 

Sonda belə maarifləndirici tədbirlərin davamlı olaraq keçirilməsinin zəruriliyi vurğulanıb.