Xəstəxanadan Aztibb.az-a bildirilib ki, həkim-cərrah Fariz Abdullayev, assistent həkim-cərrah-uroloq Elçin Bağırlı və həkim-anestezioloq-reanimatoloq Azər Söhbətov tərəfindən icra edilən yoğun bağırsağın stomasının qapadılması və periton bitişmələrin digər lizis yolları əməliyyatları uğurla icra edilib.

 

1960-cı il təvvəllüdlü pasiyent (kişi cinsli) 6 ay əvvəl kəskin bağırsaq keçməzliyindən əməliyyat olunub və S-vari bağırsaq rezeksiya olunaraq kolostoma qoyulub. Daha sonra ona fəaliyyət göstərən kolostoma diaqnozu təyin olunub və cərrahi əməliyyata qərar verilib.

 

Əməliyyatdan sonra pasiyentə zəruri tibbi xidmətlər göstərilib. Stasionar şəraitdə müalicəsini başa vuran pasiyentin vəziyyəti qənaətbəxş qiymətləndirildiyindən o, ambulator müalicə üçün evə buraxılıb.

 

TƏBİB-in region xəstəxanalarının inkişaf etdirilməsi, tibb müəssisələrinin modernləşməsi, onların yeni tibbi avadanlıqlarla təmin olunması, paytaxtdan asılılığın azaldılması və beləliklə, keyfiyyətli tibbi xidmətlərə əlçatanlığın təmin edilməsi istiqamətində gördüyü işlər müsbət nəticələr verməkdədir.