Hadisə yerində Təcili tibbi yardım feldşeri Sədaqət Hacıyeva tərəfindən 40 həftəlik hamilə olan 42 yaşlı qadının doğuş prosesi idarə olunub. Doğuşun ilkin mərhələsi birbaşa yaşayış ünvanında baş verib, daha sonra isə proses təcili tibbi yardım feldşeri tərəfindən nəzarətdə saxlanılıb.

 

Bu barədə Aztibb.az-a Respublika Təcili və Təxirəsalınmaz Tibbi Yardım Mərkəzindən məlumat verilib.

 

Bildirilib ki, təcili tibbi yardım briqadası tərəfindən ana və yenidoğulmuş oğlan uşağı zəruri ilkin tibbi yardım göstərildikdən sonra müvafiq tibb müəssisəsinə təxliyə olunub.

 

Hazırda ananın müalicəsi xəstəxanada davam etdirilir, vəziyyəti stabildir. Çəkisi 3 kq. 400 qr., boyu 50 sm olan körpənin də müalicəsi davam etdirilir və vəziyyəti qənaətbəxşdir.