STM-dən Aztibb.az-a bildirilib ki, bu münasibətlə 2 nömrəli Şəhər Xəstəxanasında təcrübə proqramını tamamlamış tələbələrlə görüş keçirilib.

 

Tədbirdə çıxış edən STM-nin direktor müavini Ramin Qasımov ən son tibbi avadanlıqlarla təchiz edilən xəstəxana ilə bu cür qarşılıqlı əlaqələrin tələbələrin gələcək karyeraları baxımından böyük əhəmiyyət kəsb etdiyini bildirib.

Qeyd olunub ki, tibb bacılarının xəstələrin sağalıb şəfa tapması və normal həyata qayıtmasında rolu əvəzolunmazdır.

 

R.Qasımov tələbələri təcrübə müddətinin başa çatması münasibətilə təbrik edib, onlara gələcək fəaliyyətlərində uğurlar arzulayıb.

 

2 nömrəli Xəstəxananın baş həkimi Arzu Bəndəliyeva təcrübələrin keçirilməsini yüksək qiymətləndirib. A. Bəndəliyeva təcrübə proqramlarının tələblərinə uyğun olaraq ixtisasları nəzərə almaqla stasionar şəraitdə təcrübi bacarıqların vərdiş kimi qavranılmasına şərait yaradıldığını diqqətə çatdırıb.

 

Tələbələr təcrübə proqramı haqqında fikrilərini bölüşüblər, yaradılan şəraitə görə xəstəxana rəhbərliyinə, bütün həkim heyətinə təşəkkürlərini ifadə ediblər.

 

Sonda uğurla təcrübə keçərək bilik və bacarıqlar qazandığına, təcrübəni müvəffəqiyyətlə başa vurub fərqləndiklərinə görə təcrübəçi tələbələr sertifikatla təltif olunublar.