Əhalinin rahatlığını və əlçatanlığını təmin etmək məqsədilə Qusar rayon Mərkəzi Xəstəxanasının səyyar həkim briqadası növbəti dəfə Haçatala kəndində olub.

Xəstəxanadan Aztibb.az-a verilən məlumata görə, aksiyanın keçirilməsində məqsəd TƏBİB-in və icbari tibbi sığortanın yaratdığı Xidmətlər Zərfi çərçivəsində əhaliyə yüksək səviyyəli tibbi xidmətin göstərilməsi olub.

İxtisaslı mütəxəssislər tərəfindən həmin kəntdə və ətraf ərazilərdə yaşayan əhali ixtisaslı həkim müayinələrindən keçirilib.

Səyyar həkim briqadasının tərkibində Qusar Rayon Mərkəzi Xəstəxanasının ixtisaslı mütəxəssisləri- həkim-terapevt, həkim-kardioloq, həkim-pediatr, həkim-cərrah, mama-ginekoloq və laborantın iştirakı təmin olunub.

Gün ərzində ixtisaslı mütəxəssislər tərəfindən əhali tibbi müayinələrdən keçirilib, qan analizləri götürülüb və müraciət edən vətəndaşlara həkimlər tərəfindən müvafiq müalicələr təyin olunub.

Qeyd edək ki, müraciətlərin çox hissəsini kardioloq həkimin müayinəsi təşkil edib.

Əhali səyyar həkim briqadası tərəfindən müayinə və müalicə olunmalarını razılıqla qarşılayıblar. Bu qayğıya görə rayon Mərkəzi Xəstəxananın rəhbərliyinə, tədbirin təşkilatçılarına və səyyar həkim briqadasına minnətdarlıqlarını bildiriblər.