Qəzza zolağının cənubundakı Xan Yunisdəki “Naser” xəstəxanası hazırda Fələstin anklavının əhalisinin əksəriyyətinin yaşadığı bölgədəki “Əl-Əmal” xəstəxanasının bağlanmasından sonra fəaliyyət göstərən yeganə ictimai səhiyyə müəssisəsi olaraq qalır.

Aztibb.az xəbər verir ki, bu barədə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.

İyunun 5-də ÜST bildirib ki, “Naser” və “Əl-Amal” Qəzzanın cənubunda fəaliyyət göstərən yeganə dövlət xəstəxanalarıdır. Onların bağlanması 490 çarpayının azalmasına, yəni anklavdakı bütün xəstəxanaların tutumunun təxminən dörddə birinə səbəb olacaq.

ÜST-nin baş direktoru bildirib ki, “Əl-Amal” xəstəxanası bağlandıqdan sonra “Naser” tibb kompleksi Xan Yunisdə reanimasiya şöbəsi olan yeganə xəstəxanadır.

Onun sözlərinə görə, “Əl-Amal” hazırda ətrafında hərbi əməliyyatların intensivləşməsi səbəbindən praktiki olaraq fəaliyyət göstərmir: “Xəstəxanaya giriş bağlanıb, o, yeni xəstələri qəbul edə bilmir, lakin orada hələ də köməyə ehtiyacı olan çoxlu yaralılar var”.