Mərkəzdən Aztibb.az-a verilən xəbərə görə, tədbiri giriş sözü ilə açan STM-in direktoru Elnur Azadxanov çıxışında xalqımızın istiqlal arzusunun nümunəsi olan Azərbaycan Xalq Cümhuriyyətinin yaranma tarixi, 23 aylıq fəaliyyəti dövrü haqqında məlumat verib.

 

O, Azərbaycan Xalq Cümhuriyyəti dövründə həyata keçirilən tədbirlərin müstəqil dövlətçiliyimizin əsaslarının yaradılması və gələcək inkişaf yolunun müəyyənləşdirilməsi baxımından mühüm əhəmiyyət kəsb etdiyini söyləyib, bu dövrdə bir çox ilklərə imza atıldığını vurğulayıb. Zəngin dövlətçilik ənənələri olan Azərbaycan xalqının XX əsrin əvvəlində müsəlman Şərqində ilk demokratik respublika yaratmasının mühüm tarixi nailiyyət olduğu qeyd edilib.

 

Direktor bildirib ki, bu gün Azərbaycanın dövlət müstəqilliyi daha da möhkəmlənib və xalqımız öz suverenliyini qürurla və əzmlə qoruyur.

 

Vurğulanıb ki, xüsusilə, 2020-ci ildə Vətən müharibəsində əldə olunan tarixi Zəfər müstəqilliyimizin gücünü, xalq–ordu–dövlət birliyimizin sarsılmazlığını bir daha bütün dünyaya nümayiş etdirdi.

Bu zəfər nəticəsində torpaqlarımız işğaldan azad olundu, ərazi bütövlüyümüz və tarixi ədalət bərpa edildi.

 

Sonda Müstəqillik Gününə həsr edilmiş qısametrajlı film izlənilib.