Azərbaycan Respublikası Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, ürək-damar cərrahı Rəşad Mahmudov “Sağlamlığın Qorunması” İctimai Birliyinin təşəbbüsü, TƏBİB və QHT-lərə Dövlət Dəstəyi Agentliyinin dəstəyi ilə keçirilən “Sağlam Addımlar: Artıq Çəkiyə Son”  konfransda iştirak edib.

Aztibb.az xəbər verir ki, o, tədbirdə artıq çəkinin sağlamlığa yaratdığı risklərdən bəhs edib və “Ateroskleroz və kliniki protokollar” mövzusunda təqdimatla çıxış edib.

Konfransda artıq çəkinin psixoloji, fizioloji və sosial aspektləri üzrə təqdimatlar edilib, sağlam həyat tərzinin təbliqi ilə bağlı dəyərli fikirlər iştirakçılarla bölüşülüb.

Tədbirin bədii hissəsində musiqi və şeir nümunələri təqdim olunub.

385-dən çox iştirakçının qatıldığı konfrans elmi və praktik bilik mübadiləsi üçün faydalı platforma kimi dəyərləndirilib.

Tədbirin sonunda iştirakçılara sertifikatlar təqdim olunub.