Mərkəzi Gömrük Hospitalının Uşaq Cərrahiyyəsi şöbəsinin rəisi uzman uşaq cərrahı Vüsal Cəfərov Avropa Uşaq Cərrahiyyəsi Cəmiyyətinin təşkil etdiyi Avropa Uşaq Cərrahiyyəsi “Board” imtahanını uğurla keçərək beynəlxalq səviyyədə tanınan sertifikata layiq görülüb.
Bu məlumat Aztibb.az-a Mərkəzi Gömrük Hospitalından verilib.
Qeyd edək ki, Avropa Uşaq Cərrahiyyəsi “Board” imtahanı uşaq cərrahiyyəsi sahəsində ən yüksəksəviyyəli təhsil və təcrübə tələb edən imtahan olmaqla yanaşı, yalnız ən yaxşı mütəxəssislərin qəbul etdiyi və beynəlxalq tibb aləmində əhəmiyyətli yer tutur. Bu uğur onun peşəkarlığını və cərrahiyyə sahəsindəki dərin təcrübəsini bir daha təsdiqləyir, eyni zamanda, Mərkəzi Gömrük Hospitalında pasiyentlərə ən yüksək standartlara cavab verən müasir və yüksəkkeyfiyyətli tibbi xidmətlərin göstərildiyini göstərir.
