Mayın ilk günlərində Azərbaycan Tibb Universitetində (ATU) Tibb  Festivalının keçirilməsi planlaşdırılır. Üç gün davam edəcək tədbir ATU-nun 95 illik yubileyinə və ümummilli lider Heydər Əliyevin anadan olmasının 102 illiyinə həsr olunur.

ATU-nun rektoru professor Gəray Gəraybəyli Tibb Festivalına hazırlıq üzrə işçi qrupun üzvləri ilə görüşüb.

Universitetdən Aztibb.az-a verilən məlumata görə, toplantıda Tibb Festivalının keçirilməsi ilə bağlı təşkilati məsələlər müzakirə olunub, iş bölgüsü aparılıb. Rektor G.Gəraybəyli bu genişmiqyaslı tədbirə hazırlıq işlərinin gedişi ilə maraqlanıb, tədbirin yüksək səviyyədə təşkilini təmin etmək məqsədilə bir sıra zəruri göstərişlər verib.

Toplantıda Elmi işlər üzrə prorektor, professor Məlahət Sultan, Həmkarlar İttifaqı Komitəsinin sədri, dosent Cahangir Qasımov çxıış edərək görülən işlər haqqında məlumat veriblər.

Görüşdə universitetin rəhbər şəxsləri, struktur bölmə rəhbərləri ya inzibati heyətin nümayəndələri iştirak ediblər.