Sabunçu Tibb Mərkəzində kişi pasiyent üzərində bud sümüyünün çox qəlpəli, yerdəyişmiş sınığının ekstramedulyar osteosintezi uğurla həyata keçirilib.

Mərkəzdən Aztibb.az-a verilən məlumata görə, 1996-cı il təvəllüdlü pasiyent (kişi cinsli) bud sümüyünün qapalı, yerdəyişmiş, çoxqəlpəli və oynaqdaxili sınığı ilə Sabunçu Tibb Mərkəzinə müraciət edib.

Zəruri instrumental müayinələrdən sonra diaqnoz təsdiqlənib və pasiyent dərhal əməliyyata alınıb. Nəticədə ağır travma alan xəstə üzərində bud sümüyünün çox qəlpəli yerdəyişmiş sınığının ekstramedulyar osteosintezi əməliyyatı uğurla başa çatdırılıb.

Əməliyyat Sabunçu Tibb Mərkəzinin cərrah, ortoped-travmatoloqu Turan İsgəndərzadə tərəfindən uğurla icra edilib. Xəstə artıq yaxşılaşma ilə ambulator müalicə üçün evə yazılıb.