TƏBİB-in Strateji inkişaf departamentinin Layihələrin idarəolunması şöbəsinin rəhbəri Fəqan Həsənzadə İspaniyanın Barselona şəhərində keçirilən "World Sustainable Conference" konfransında "Dayanıqlı Səhiyyə İdarəetməsində Liderlik: Gələcəyi İşçi Məmnuniyyəti ilə Formalaşdırmaq" mövzusunda çıxış edib.

Bu barədə Azribb.az-a TƏBİB-dən bildirilib.

Qeyd olunub ki, Fəqan Həsənzadə çıxışında səhiyyə sahəsində dayanıqlı idarəetmə modelinin əhəmiyyətini vurğulayaraq, bu sahədə liderliyin vacibliyini qeyd edib. O, işçi məmnuniyyətinin artırılmasının səhiyyə təşkilatlarında effektivliyin və xidmət keyfiyyətinin yüksəldilməsinə töhfə verəcəyini bildirib.

Konfransda iştirak edən dünya üzrə ekspertlər, səhiyyə sahəsindəki mövcud problemlər və inkişaf perspektivləri barədə müzakirələr aparıblar.