Qərbi Afrika ölkələrindən biri olan Liberiya, M çiçəyi virusu (Mpox) epidemiyası ilə mübarizə çərçivəsində göndərilən 10 800 doza peyvəndi alıb.

Aztibb.az-ın medimagazin.com.tr-yə istinadla xəbərinə görə, AB Komissiyasının Səhiyyə Fövqəladə Hallara Hazırlıq və Cavab Agentliyi tərəfindən Liberiyaya 10,800 doza M-pox peyvəndi göndərilib.

Səhiyyə Nazirliyi yanında İmmunlaşdırma üzrə Genişləndirilmiş Proqramın (EPİ) direktoru Yuah Nemah bildirib ki, ölkə üzrə peyvəndçilərin hazırlığı davam edir.

Təlimin birinci mərhələsi başa çatsa da, ikinci mərhələ başa çatdıqdan sonra hədəf qruplara vaksinlər vurulmağa başlayacaq.

Qeyd edək ki, M çiçəyi virusu siçan və dələ kimi gəmirici heyvanlardan və ya yoluxmuş şəxslərdən ötürülür. Virusun yaratdığı bədən səpgilərinə toxunmaq, çirklənmiş paltar, çarşaf, dəsmal və buna bənzər əşyalardan istifadə etmək, bədən mayeləri ilə təmasda olmaq yoluxmanın ən mühüm səbəblərindəndir.