Türkiyə Tibbi Onkologiya Dərnəyinin prezidenti prof. Nuri Karadurmuş dünyada hər il təxminən 14 milyon insana xərçəng diaqnozu qoyulduğunu və Səhiyyə Nazirliyinin məlumatına görə, Türkiyədə hər il 163 500 nəfərin xərçəngə tutulduğunu bildirib.

Aztibb.az-ın medimagazin.com.tr-yə istinadla xəbərinə görə, Nuri Karadurmuş buu xəstəliyin yaşından, cinsindən, dilindən, dinindən və irqindən asılı olmayaraq bütün insanlara təsir göstərdiyini söyləyib. Qeyd edib ki, dünya xərçəng statistikasına görə, xərçəng ölümün ilk səbəbidir. 2030-cu ilə qədər hər il 22 milyon yeni diaqnozun ortaya çıxacağı gözlənilir.

"Döş xərçəngi müayinəsi üçün 40 yaşdan yuxarı qadınlara illik mammoqrafiya müayinəsi tövsiyə olunur. Kolon xərçəngində 45 yaşdan yuxarı şəxslərə hər 5 ildən bir nəcisdə gizli qan testi və çevik sigmoidoskopiya və ya nəzarət kolonoskopiyası tövsiyə olunur", - deyə prof. Nuri Karadurmuş əlavə edib.