Bakı Sağlamlıq Mərkəzinin icraçı direktoru dosent Asiman Həsənovun rəhbərlik etdiyi tibbi heyət Medicana Ankara Xəstəxanasında işgüzar səfərdə olub.
Mərkəzdən Aztibb.az-a verilən xəbərə görə, Ürək damar cərrahiyyəsi şöbəsinin rəhbəri, ürək damar cərrahı Cümşüdov Kamal və ümumi cərrah Kazımzadə Cümşüdənin iştirakı ilə baş tutan səfər zamanı tibb və səhiyyənin müxtəlif sahələrini əhatə edən görüşlər və təcrübə mübadiləsi həyata keçirilib.
Medicana Ankara Xəsrəxanasına işgüzar səfərin məqsədi Bakı Sağlamlıq Mərkəzində insan orqan və toxumalarının transplantasiyası işinin qurulması, həkimlərin təcrübə və biliklərinin artırılması üçün təcrübə proqramlarının təşkil edilməsi olub.
Görüşlərdə bir sıra aktual məsələlər müzakirə edilib, səmərəli işgüzar əlaqələr qurulub, eləcə də Azərbaycan və Türkiyə səhiyyə sahəsində təcrübə mübadiləsi həyata keçirilib.
