Azərbaycan Tibb Universiteti (ATU), universitetin Tələbə Gənclər Təşkilatı və Azərbaycan Tələbə Gənclər Təşkilatları İttifaqı “Rezidenturaya birlikdə hazırlaşaq” layihəsinə start verib.
Layihə çərçivəsində rezidenturaya hazırlaşan tələbə və məzunların hazırlıq prosesinə dəstək vermək məqsədilə müvafiq fənnlər üzrə ekspertlərin tələbələrlə onlayn görüşləri təşkil olunur.
Növbəti onlayn görüş-vebinar Patoloji anatomiya fənni üzrə baş tutub.
ATU-nun Patoloji anatomiya kafedrasının tədris hissə müdiri, dosent Müşfiq Orucov və dosent Rasim Niftalıyev fənn üzrə imtahana hazırlıqla bağlı tövsiyələrini bölüşüb, tələbələr tərəfindən onlara ünvanlanan sualları cavablandırıblar.
Onlayn görüş "Zoom" platforması üzərindən həyata keçirilib və təşkilatın "Facebook" səhifəsində canlı yayımlanaraq geniş izləyici kütləsinə çatdırılıb.
2 saatdan artıq davam edən vebinardan ümumilikdə 200 nəfərdən çox tələbə və məzun yararlanıb.