Martın 27-dən aprelin 2–dək davam edən Ümumdünya Autizm Maarifləndirmə Həftəsi ilə əlaqədar bütün dünyada aprel ayı autizm haqqında maarifləndirməyə həsr olunur.

Aztibb.az xəbər verir ki, Ümumdünya Autizm Maarifləndirmə Həftəsini autizm spektri pozuntusu ilə yaşayan insanlara diqqət çəkmək, onların həyatını anlamaq və cəmiyyətdə inklüzivliyi artırmaq məqsədi ilə keçirilir.

Autizmli insanlar fərqli düşüncə və davranış tərzlərinə sahibdirlər, lakin onlar da cəmiyyətin ayrılmaz hissəsidir və böyük potensiala malikdirlər. Bu həftə, autizm barədə daha çox məlumat əldə edərək, daha anlayışlı və dəstək verici bir cəmiyyət yaratmaq üçün bir fürsətdir.

Bütün dünyada autizm XXI əsrin ən qlobal problemlərindən biri hesab edilir. Aparılmış tədqiqatlara əsasən dünya əhalisinin təxmini 1 faizi, yəni 70 milyon əhali autizmdən əziyyət çəkir. Autizmin əlamətləri 2-3 yaşdan etibarən özünü büruzə versə də, ən dəqiq diaqnoz 3 yaşında qoyulur.